மக்களுடன் முதல்வர் திட்டம்- தமிழக அரசு அறிவிப்பு!

தமிழ்நாட்டில் மக்களுடன் முதல்வர் திட்டத்தினை டிசம்பர் 18ஆம் தேதி கோவையில் தமிழக முதலமைச்சர் தொடங்கி வைக்கிறார். அரசின் சேவைகள் மக்களுக்கு விரைவாக கிடைக்கும் வகையில் ஏற்பாடு செய்யப்பட்டுள்ளது. மக்களுடன் முதல்வர் திட்டத்திற்காக மாநகராட்சிகள்,நகராட்சிகள் , கிராம ஊராட்சிகளில் முகாம்கள் நடத்தப்பட உள்ளன . இந்தத் திட்டத்தில் தமிழ்நாட்டில் உள்ள அனைத்து மாவட்டங்களிலும் 1745 முகாம்கள் நடத்த முடிவு செய்யப்பட்டுள்ளது. இந்த முகாம்களில் (டிசம்பர் 18 முதல் ஜனவரி 6ஆம் தேதி வரை) நடைபெறுகிறது.

முகாம்களில் பெறப்படும் மனுக்கள் , சம்பந்தப்பட்ட துறைகளால் 30 நாட்களுக்குள் உரிய முறையில் பரிசீலனை செய்யப்பட்டு, சேவைகள் விரைவாக மக்களுக்கு வழங்கப்படும் என்று தமிழக அரசு தெரிவித்துள்ளது.