தமிழகத்தில் 412 இடங்களில் நீர் அகற்றும் தமிழக அரசின் தீவிர நடவடிக்கை!

 தமிழகத்தில் பல்வேறு பகுதிகளில் மழையால் மக்கள் பாதிப்படைந்துள்ளனர். இந் நிலையில் சென்னை உள்ளிட்ட பல்வேறு பகுதிகளில் மழை நீர் வடிகால் தூர்வாரும் பணியும் மழைநீர் அகற்றும் பணிகளைத் தமிழக அரசு தீவிரமாக செய்து வருகின்றது. தொடர்ந்து சென்னை, திருவள்ளூர் ,காஞ்சிபுரம் மற்றும் செங்கல்பட்டு உள்ளிட்ட பல்வேறு இடங்களில் மழையால் பாதிக்கப்பட்ட பகுதிகளில் 7 லட்சம் பேருக்கு உணவு வழங்கப்பட்டு 412 இடங்களில் வெள்ள நீர் அகற்றம் செய்யப்பட்டு உள்ளதாக தமிழக அரசு தெரிவித்துள்ளது.

 மேலும் மழையால் பாதிக்கப்பட்ட மக்களுக்காக அம்மா உணவகத்தில் இன்றும், நாளையும் இலவசமாக உணவு வழங்கப்படுகிறது .இதைத் தொடர்ந்து சென்னை மாநகராட்சி சார்பாக மழையால் பாதிக்கப்பட்ட பகுதிகளுக்கு சமைக்க ஏற்பாடுகள் செய்யப்பட்டு ஏழை எளிய மக்களுக்கு உணவுகள் வழங்கப்படுகின்றன.