எஸ்.ஜே.சூர்யாவின் பொம்மை திரைப்படம் ஜூன் 16 ரிலீஸ். எஸ்.ஜே.சூர்யா நடிப்பில் பொம்மை திரைப்படம் உருவாகியுள்ளது. ராதா மோகன் இந்தப் படத்தை இயக்கியுள்ளார். பொம்மை படத்தின் கதாநாயகியாக பிரியா பவானி சங்கர் நடித்துள்ளார். ஏஞ்சல் ஸ்டூடியோ சார்பாக வி.மருது பாண்டியன், டாக்டர் ஜாஸ்மின், டாக்டர் தீபா, டி .துரை ஆகியோர் இணைந்து தயாரித்துள்ளனர்.யுவன் சங்கர் ராஜா இசை அமைப்பில் பாடல்கள் உருவாகியுள்ளது. 2020 இல் தொடங்கப்பட்ட இந்தப் படம் கொரோனா காலத்தால் பல காரணங்களால் வெளிவருவதில் தாமதம் ஏற்பட்டது.
![](https://mudhalummudivum.com/wp-content/uploads/2023/03/59973ee9-2042-40ac-b3db-b9cd8672bc6b.png)
கடந்த ஐந்து நாட்களுக்கு முன்பு பொம்மை திரைப்படம் யுவன் சங்கர் ராஜா இசையில் ஆண்ட்ரியா பாடிய ‘இந்த காதலில் ‘ என்ற பாடல் வீடியோ வெளியாகி இணையதளங்களில் வைரலாகியுள்ளது. இதனைத் தொடர்ந்து பொம்மை படத்தின் ஸ்னிக் பீக் காட்சிகள் இன்று வெளியிடப்பட்டு நல்ல வரவேற்பைப் பெற்று ஜூன் 16 ரிலீஸ் எனப் படக் குழு அதிகாரப்பூர்வமாகத் தெரிவிக்கப்பட்டுள்ளது.
![](https://mudhalummudivum.com/wp-content/uploads/2022/10/16159144186867694551.png)