தனுஷின் கேப்டன் மில்லர் திரைப்படம் ஜனவரி 12 ரிலீஸ்!

பொங்கலுக்குப் பலவித திரைப்படங்கள் வெளியாகும் நிலையில் நடிகர் தனுஷின் கேப்டன் மில்லர் திரைப்படம் ஜனவரி 12ஆம் தேதி திரையரங்குகளில் வெளியாகிறது. நடிகர் தனுஷின் கேப்டன் மில்லர் திரைப்படத்தை அருள் மாதேஸ்வரன் இயக்கியுள்ளார் . இந்தத் திரைப்படத்தில் கதாநாயகியாக பிரியங்கா அருள் மோகன் நடித்துள்ளார் .மேலும் சந்திப் கிஷன், நிவேதிதா, சதீஷ், சிவராஜ் குமார் போன்ற நடிகர்கள் நடித்துள்ளனர்.

இந்தத் திரைப்படத்தில் ஜிவி பிரகாஷ் இசையமைத்துள்ளார். மேலும் இப்படத்தில் 1000 பேர் கொண்ட சண்டைக்காட்சி ஹைலைட்டாக அமைந்துள்ளது என்று இயக்குனர் அருள் மாதேஸ்வரன் தெரிவித்துள்ளார். மேலும் கேப்டன் மில்லர் திரைப்படத்தின் நான்காவது பாடலான கொம்பேறி வேட்டப்புலி வெளியிடப்பட்டு சமூக வலைதளங்களில் வைரலாகி வருகின்றன. இந்த நிலையில் இந்தப் பாடல் ரசிகர் மத்தியில் நல்ல வரவேற்பினைப் பெற்று வருகிறது.