பைக் சாகசம் செய்பவர்களைச் சீர்திருத்த வேண்டும் சென்னை உயர்நீதிமன்றம் அறிவுரை!

பைக் சாகசங்களில் ஈடுபடுபவர்களுக்குச் சென்னை உயர்நீதிமன்றம் அறிவுரை வழங்கி உள்ளது. சென்னை ராதாகிருஷ்ணன் சாலையில் இளைஞர்கள் இருவர் அதிவேகமாக பைக்கினை ஓட்டி சென்றதால் அங்கிருந்த வாகன ஓட்டிகளுக்கு இடையூறு ஏற்பட்டு அச்சுறுத்தலாக அமைந்தது .இதன் காரணமாக அவர்கள் மீது வழக்கு தொடரப்பட்டு சென்னை உயர்நீதிமன்றத்தின் நீதிபதி ஆனந்த் வெங்கடேஷ் முன்னிலையில் விசாரணைக்கு வந்தது. 

இந்த விசாரணையில் பள்ளி கல்லூரிகளில் பயிலும் மாணவர்களுக்கு பைக் சாகசங்களால் ஏற்படும் விளைவுகளைப் பற்றி புரிந்து கொள்ளும் வகையில் எடுத்துரைக்க வேண்டும் என்றும் ,பைக் சாகசங்கள் செய்பவர்களையே குற்றவியல் வழக்குகளைத் தவிர்த்து அவர்களைச் சீர்திருத்தும் நடவடிக்கைகள் மேற்கொள்ள வேண்டும் என்றும் சென்னை உயர்நீதிமன்றம் அறிவுரையை வழங்கி உள்ளது.