தமிழ்நாடு கர்நாடகா இடையான போக்குவரத்து பாதிப்பு

தமிழ்நாட்டில் குறுவை சாகுபடிக்காக கர்நாடகாவில் காவிரி நதிநீர் திறந்து விடப்பட்டுள்ளது. தமிழகத்திற்கு கே ஆர் எஸ் மற்றும் கபினி அணைகளிலிருந்து நதிநீர் 4,646 கன அடியாக இருந்த நிலையிலிருந்து தற்போது 3,848 கனஅடியாக குறைக்கப்பட்டு திறந்து விடப்பட்டது. எனினும் தமிழகத்தில் காவிரி நீரை திறந்து விடுவதற்காக கர்நாடகா முழுவதும் இன்றும் வெள்ளிக்கிழமை போராட்டம் நடத்தப்பட்டு வருகிறது. இதைத்தொடர்ந்து கர்நாடகா மாநிலத்தில் பொதுமக்கள் ,விவசாயிகள் தமிழகத்திற்கு காவிரி நீரை திறந்து விடக்கூடாது என்று போராட்டம் நடத்தி வருகின்றனர். இந்தப் போராட்டம் காரணமாக தமிழ்நாடு கர்நாடகா இடையான போக்குவரத்து பாதிப்படைந்துள்ளது. இதனால் இரு மாநிலங்களுக்கு இடையேயான எல்லைகளுக்குள் பேருந்துகள், லாரிகள் போன்ற வாகனங்கள் நிறுத்தி வைக்கப்பட்டுள்ளன.

இந்நிலை குறித்த போக்குவரத்து தகவல்களுக்கு 94 98170430,94 982154407 என்ற எண்ணிற்கு தொடர்பு கொள்ளவும் என்று தமிழக டிஜிபி சங்கர் ஜிவால் தெரிவித்துள்ளார்.