தமிழகத்தில் 100 விளையாட்டு வீரர்களுக்கு அரசு வேலைவாய்ப்பு!

 தமிழகத்தில் 100 விளையாட்டு வீரர்களுக்கு அரசு வேலை வாய்ப்பு என்று தமிழக துணை முதலமைச்சர் உதயநிதி ஸ்டாலின் அறிவித்துள்ளார்.விருதுநகர் மாவட்ட அரசு மருத்துவக் கல்லூரி கலையரங்கத்தில் டாக்டர் கலைஞர் விளையாட்டு உபகரணங்கள் வழங்குதல் மற்றும் தமிழ்நாடு முதலமைச்சர் கோப்பை மாவட்ட அளவிலான விளையாட்டுப் போட்டிகளில் வெற்றி பெற்றவர்களுக்கு பரிசு மற்றும் பாராட்டுச் சான்றிதழ்கள் வழங்கும் நிகழ்ச்சி நடைபெற்றது. பேரிடர் மேலாண்மை துறை கே கே எஸ் எஸ் ஆர் ராமச்சந்திரன் அமைச்சர் தென்னரசு போன்றோர் கலந்து கொண்டனர்.

இவ் விழாவில் மாநில விளையாட்டு மற்றும் இளைஞர் நலன் மேம்பாட்டுத்துறை அமைச்சரும் துணை முதலமைச்சருமான உதயநிதி ஸ்டாலின் கலந்து கொண்டு மாவட்ட அளவில் வெற்றி பெற்ற 2111 விளையாட்டு வீரர்களுக்கு 43 லட்சம் மதிப்பிலான பரிசுகளையும் சான்றிதழ்களையும் வழங்கினார். பிறகு விளையாட்டு வீரர்களுக்கு 3 சதவீத இட ஒதுக்கீடு வேலை வாய்ப்பு எழுப்பப்பட்டு வரும் நிலையில், முதல் கட்டமாக 100 விளையாட்டு வீரர்களுக்கு அரசு வேலை கட்டாயம் என்ற அறிவிப்பினை தமிழகத்தின் துணை முதலமைச்சர் உதயநிதி ஸ்டாலின் வெளியிட்டுள்ளார்.