சேலம் மாவட்டம் கோட்டை மாரியம்மன் கோயிலில் ஆடி மாத பூச்சாட்டு விழா கொண்டாட்டம்!

சேலம் மாவட்டத்தில் உள்ள அனைத்து மாரியம்மன் மற்றும் காளியம்மன் கோயில்களில் ஆடி மாத திருவிழாக்கள் மிக சிறப்பாக நடைபெறுகிறது. அந்த வகையில் சேலம் மாவட்டத்தில் மிகவும் பிரசித்தி பெற்ற கோட்டை மாரியம்மன் திருக்கோயில் பூச்சாட்டு விழா ஆகஸ்ட் மாதம் புதன்கிழமை 7 ஆம் தேதி நடைபெறுகிறது. இவ்விழாவை முன்னிட்டு கோட்டை மாரியம்மன் கோயிலில் ஆகஸ்ட் 6-ஆம் தேதி இரவு சக்தி அழைப்பு நிகழ்ச்சி நடைபெற உள்ளது.

தொடர்ந்து ஆகஸ்ட் 07, 08 மற்றும் 09 ஆம் தேதி விழாவில் முக்கிய நிகழ்வாக பொங்கல் வைத்தல், மாவிளக்கு எடுத்தல் மற்றும் பக்தர்கள் நேர்த்தி கடன் செலுத்தும் நிகழ்ச்சிகள் நடைபெற உள்ளது.ஆகஸ்ட்13 ஆம் தேதி அன்று பால்குட ஊர்வலம் மற்றும் மகா அபிஷேகத்துடன் விழாவுடன் பூச்சாட்டு விழா நிறைவடைகிறது. எனவே ஆடி மாத திருவிழாக்களை முன்னிட்டு சேலம் மாவட்டத்தில் உள்ள அனைத்து கோயில்களிலும் சிசிடிவி கேமராக்கள் பொருத்தப்பட்டு 1000 போலீசார் பாதுகாப்புக்குப் போடப்பட்டுள்ளதாக மாவட்ட ஆட்சியர் பிருந்தாதேவி தெரிவித்துள்ளார்.