9 முதல் 12-ஆம் வகுப்பு பயிலும் மாணவர்களுக்கு E- mail ID உருவாக்க வேண்டும் பள்ளிக்கல்வித்துறை உத்தரவு!

தமிழகத்தில் உள்ள அரசு பள்ளிகளில் தனியார் துறை பள்ளிகளுக்கு இணையாக டிஜிட்டல் முறையில் பாடத்திட்டங்கள் கற்பிக்கப்படுகின்றன. நிலையில் தமிழகத்தில் உள்ள அரசு பள்ளிகளில் 9 முதல் 12 ஆம் வகுப்பு படிக்கும் மாணவர்களுக்கு வருகிற டிசம்பர் 31ஆம் தேதிக்குள் email ஐடியை உருவாக்க வேண்டும் என்று தமிழக பள்ளிக்கல்வித்துறை உத்தரவினை வழங்கியுள்ளது.தமிழகத்தில் உள்ள பொறியியல், பாலிடெக்னிக், தொழிற்கல்வி, கலை மற்றும் அறிவியல் துறைகளைச் சார்ந்த படிப்புகள் பற்றியும்,கல்லூரிகள் உள்ளிட்ட அனைத்து உயர்நிலை படிப்புகளில் சேரவும், பாடத்திட்ட தகவல், தேர்வுகள், போன்றவற்றை தெரிந்து கொள்ள email ID மாணவர்களுக்கு உருவாக்கி தர அனைத்து பள்ளிகளுக்கு உத்தரவிடப்பட்டுள்ளது.

மேலும் தமிழக அரசு பள்ளிகளில் உள்ள லேப்டாப் கணினிகளின் மூலம் மாணவர்கள் தாங்களாகவே இமெயில் ஐடிகளை உருவாக்க ஆசிரியர்கள் மூலம் பயிற்சிகள் அளிக்கவும் அறிவுறுத்தப்பட்டுள்ளனர்.மாணவர்களின் email முகவரிகளை பள்ளிக்கல்வித்துறையின் கல்வி மேலாண்மை தகவல் அமைப்பான (EMIS) இணைக்க வேண்டும் என்று பள்ளிக்கல்வித்துறையால் அறிவுறுத்தப்பட்டுள்ளது.