முதியோர் உதவித்தொகை ரூபாய்1000 லிருந்து ரூபாய் 1200 ஆக உயர்த்த முடிவு!

முதியோர் உதவித்தொகை ரூபாய் 1000லிருந்து ரூபாய் 1200ஆக உயர்த்த முடிவு. முதியோர் உதவித்தொகை உயர்த்த முடிவு செய்யப்பட்டுள்ளதாக அமைச்சர் தங்கம் தென்னரசு தெரிவித்துள்ளார்.  சென்னை தலைமை செயலகத்தில் இன்று காலை 10:30 மணியளவில் அமைச்சரவை கூட்டம் நடைபெற்றது. இந்தக் கூட்டத்தில் முக்கிய தீர்மானங்கள் எடுக்கப்பட்டது. இது மகளிர் உரிமைத்தொகை மற்றும் அமலாக்கத்துறை சோதனைகள் பற்றி ஆலோசனை மேற்கொள்ளப்பட்டது. ஆதரவற்ற விதவை மற்றும் முதியோர் உதவித்தொகைகான ரூபாய் ஆயிரத்திலிருந்து ரூபாய் 1200ஆக உயர்த்த முடிவு செய்யப்பட்டுள்ளதாக நிதி அமைச்சர் தங்கம் தென்னரசு செய்தியாளர்களிடம் தெரிவித்தார்.

முதியோர் மற்றும் ஆதரவற்ற கைம்பெண்களுக்கு வழங்கப்படும் ஓய்வூதியத்தொகை ஆயிரத்திலிருந்து ரூபாய் 1200ஆக உயர்த்தப்படுகிறது .மேலும் மாற்றுத்திறனாளிகளுக்கு ரூபாய் 1500 ஆக உயர்த்தப்பட்டுள்ளது. இதன் மூலம் 30 லட்சம் பயனாளிகள் பயன்பெறுவர். இந்த உயர்த்தப்பட்ட உதவித்தொகை ஆகஸ்ட் மாதம் முதல் வழங்கப்படும் என அமைச்சர் தென்னரசு தெரிவித்துள்ளார்.