தேசிய சீனியர் கால்பந்து போட்டியில் தமிழ்நாடு மகளிர் அணி அபார வெற்றி! 27 ஆவது தேசிய சீனியர் கால்பந்து சாம்பியன்ஸ் தொடர் பஞ்சாப் மாநிலம் அமிர்தசரஸில் நடைபெற்றது. இது 32 அணிகள் பங்கேற்று விளையாடின. இந்தத் தொடரில் இறுதிப்போட்டி தமிழ்நாடு மற்றும் ஹரியானா அணிகளுக்கிடையே நடைபெற்றது. தமிழ்நாட்டு அணியானது ஹரியானாவை வீழ்த்தி அபார வெற்றி கண்டது. தேசிய மகளிர் கால்பந்து போட்டியில் தமிழ்நாட்டு அணியின் வீராங்கனைகள் துர்கா, பிரியதர்ஷினி, இந்துமதி, கோல் அடித்து அசத்தலாக விளையாடினர். கடந்த 2018 ஆம் ஆண்டு தேசிய மகளிர் கால்பந்து சாம்பியன்ஷிப் போட்டியில் தமிழ்நாட்டு அணி முதல்வதாக வெற்றி பெற்றது. மீண்டும் இந்த வருடம் தமிழ்நாடு மகளிர் அணி ஹரியானாவை வீழ்த்தி அபார வெற்றி பெற்றுள்ளது.
![](https://mudhalummudivum.com/wp-content/uploads/2023/03/59973ee9-2042-40ac-b3db-b9cd8672bc6b.png)
இரண்டாவது முறையாக தேசிய கால் பந்து சாம்பியன் கோப்பையைத் தமிழ்நாட்டு அணி கைப்பற்றியுள்ளது. தேசிய மகளிர் கால்பந்து போட்டியில் 2 ஆவது முறையாக தேசிய சாம்பியன் பட்டம் வென்ற தமிழ்நாட்டு வீராங்கனைகளுக்கு முதலமைச்சர் மு.க.ஸ்டாலின் ,விளையாட்டு துறை அமைச்சர் உதயநிதி ஸ்டாலின், டி.ஆர்.ராஜா வாழ்த்து தெரிவித்துள்ளனர். மேலும் பல கட்சித் தலைவர்கள் வாழ்த்துக்கள் தெரிவித்து வருகின்றனர்.
![](https://mudhalummudivum.com/wp-content/uploads/2022/10/16159144186867694551.png)