தமிழ்நாட்டை சேர்ந்த பிரபஞ்சன் நீட் தேர்வில் முதலிடம் !

 தமிழ்நாட்டைச் சேர்ந்த பிரபஞ்சன் நீட் தேர்வில் முதலிடம். தமிழ்நாட்டைச் சேர்ந்த பிரபஞ்சன் இந்திய அளவிலான நீட் தேர்வில் 720/ 720 மதிப்பெண்கள் பெற்று சாதனை படைத்துள்ளான்.  இளநிலை மருத்துவ படிப்புகளுக்கான நீட் தேர்வு கடந்த மே 7ஆம் தேதி நாடு முழுவதும் 499 நகரங்களில் நடைபெற்றது. இந்த நீட் தேர்வில் 20 .38 லட்சம் பேர் தேர்வு எழுதினர்.  தமிழ்நாட்டில் ஒரு லட்சத்திற்கு மேற்பட்ட மாணவர்கள் நீட் தேர்வில் பங்கேற்றனர். நீட் தேர்வின் முடிவுகள் தேசிய தேர்வு முகமை ஜூன் 13 அன்று வெளியிடப்பட்டது. நீட் தேர்வு முடிவில் நாடு முழுவதும் மொத்தம் 11.40 லட்சம் மாணவர்கள் தேர்ச்சி பெற்றுள்ளனர்.

இளநிலை மருத்துவ படிப்புகளுக்கான நீட் தேர்வில் விழுப்புரம் மாவட்டம் செஞ்சி அடுத்த மேல் ஓலக்கூர் அரசு மேல்நிலைப் பள்ளியில் சமூக அறிவியல் ஆசிரியராக பணிபுரியும் ஜெகதீஷின் மகன் பிரபஞ்சன் தேசிய அளவில் 720/ 720 மதிப்பெண்கள் பெற்று  முதலிடத்தைப் பிடித்து சாதனை படைத்துள்ளான்.  மேலும் இந்த நீட் தேர்வில் முதல் 10 இடங்களில் நான்கு தமிழக மாணவர்கள் இடம் பிடித்து தமிழ்நாட்டுக்குப் பெருமை சேர்த்து உள்ளனர்.