தனுஷின் ராயன் திரைப்படத்தின் இசை வெளியீட்டு விழா ஜூலை 6 ஆம் தேதி நடைபெறுகிறது!

நடிகர் தனுஷ் ராயன் திரைப்படத்தில் நடித்துள்ளார். நடிகர் தனுஷ் தான் எழுதி இயக்கி நடித்து வரும் 50-ஆவது திரைப்படமாக ராயன் உருவாகியுள்ளது. இந்தத் திரைப்படத்திற்கு இசைப்புயல் ஏ ஆர் ரகுமான் இசையமைத்துள்ளார். பிரகாஷ் ராஜ், காளிதாஸ் ஜெயராம், எஸ்.ஜே.சூர்யா, செல்வராகவன், அபர்ணா பாலமுரளி, வரலக்ஷ்மி சரத்குமார், சுந்தீப் கிஷன், சரவணன் மற்றும் துஷாரா விஜயன் நடித்துள்ளனர்.

இந்தத் திரைப்படத்தின் டிரைலர்கள் சமீபத்தில் வெளியாகியுள்ளன . இதைத்தொடர்ந்து ஜூலை 6ஆம் தேதி ராயன் திரைப்படத்தின் இசை வெளியீட்டு விழா பிரம்மாண்டமாக நடைபெறும் என அறிவிப்பு வெளியாகி உள்ளது. மேலும் ஜூலை 26 ஆம் தேதி ராயன் திரைப்படம்‌ அனைத்து திரையரங்கில் வெளியாகும் எனப் படக்குழு தெரிவித்துள்ளது.