சர்வதேச கிராண்ட் மாஸ்டர் செஸ் சாம்பியன் போட்டி இன்று தொடக்கம்!

சர்வதேச கிராண்ட் மாஸ்டர் சாம்பியன் செஸ் போட்டி 2-ஆவது தொடர் தொடங்கவுள்ளது. தமிழ்நாடு விளையாட்டு மேம்பாட்டு ஆணையத்தின் சார்பாக சென்னையில் கிராண்ட் மாஸ்டர் சாம்பியன் போட்டி (நவம்பர் 5ஆம் தேதி இன்று முதல் 11ஆம் தேதி வரை) நடைபெற உள்ளது. இந்தப் போட்டி கோட்டூர்புரத்தில் உள்ள அண்ணா நூற்றாண்டு நூலக அரங்கத்தில் 7 சுற்றுகளாக நடைபெற உள்ளது.

மேலும் இந்தப் போட்டியில் இந்தியா மற்றும் வெளிநாடுகளைச் சேர்ந்த 8 கிராண்ட் மாஸ்டர்கள் களமிறங்குகின்றனர்.வெற்றி பெறுபவர்களுக்குப் பரிசுகள் வழங்கப்பட உள்ளன. சர்வதேச கிராண்ட் மாஸ்டர் செஸ் சாம்பியன் போட்டிக்கு நுழைவு கட்டணமாக 100 ரூபாய் என நிர்ணயிக்கப்பட்டுள்ளது. இந்த டிக்கெட் களை ஆன்லைன் மூலமும் விண்ணப்பித்து பெற்றுக் கொள்ளலாம் எனத் தெரிவிக்கப்பட்டுள்ளது.