காலாண்டு தேர்வுக்கான மதிப்பெண்களை எமிஸ் இணைத்தளத்தில் அக்டோபர் 15ஆம் தேதிக்குள் பதிவேற்ற பள்ளிக்கல்வித்துறை உத்தரவு.

அரசு மற்றும் அரசு உதவி பெறும் பள்ளிகளில் மாணவர்களின் காலாண்டு தேர்வுக்கான மதிப்பெண்களை எமிஸ் தளத்தில் பதிவேற்ற வேண்டும் எனப் பள்ளி கல்வித்துறை உத்தரவிட்டுள்ளது.. காலாண்டு தேர்வுக்கான வினாத்தாள்கள் திருத்திய பின்னர் அதாவது அரசு மற்றும் அரசு உதவி பெறும் 6 ,7, 8 வகுப்புகளின் மாணவர்களுக்கான காலாண்டு தேர்வு வினாத்தாள் மதிப்பெண்களை எமிஸ் தளத்தில் வருகிற அக்டோபர் 15ஆம் தேதிக்குள் பதிவேற்ற வேண்டும் என ஆசிரியர்களுக்கு அறிவுறுத்தப்பட்டுள்ளது.

இது குறித்து இயக்குநர் ச.கண்ணப்பன் மற்றும் தொடக்கக் கல்வித் துறை இயக்குநர் பூ.ஆ.நரேஷ் சார்பில், அனைத்து மாவட்ட முதன்மைக் கல்வி அலுவலர்களுக்கும் சுற்றறிக்கை அனுப்பி வைக்கப்பட்டுள்ளது . மேலும் அனைத்துப் பள்ளிகளின் தலைமை ஆசிரியர்களுக்கும் உரிய அறிவுரைகளை வழங்க அந்தந்த மாவட்ட முதன்மைக் கல்வி அலுவலர்களும் உரிய நடவடிக்கைகளை மேற்கொள்ள வேண்டும்” என்று பள்ளிக்கல்வித்துறை தெரிவித்துள்ளது.