உலகநாயகன் கமலஹாசனும் இயக்குனர் மணிரத்தினமும் 234 ஆவது படத்தில் இணைகிறார்கள்!

 உலகநாயகன் கமலஹாசனும் 234 ஆவது படத்தில் இயக்குனர் மணிரத்தினமும் இணைகிறார்கள்.உலக நாயகன் கமலஹாசனின் 234 ஆவது திரைப்படத்தினை டைரக்டர் மணிரத்தினம் இயக்குகிறார். இந்த திரைப்படத்தினை ரெட் ஜெயன்ட் மூவிஸ்  நிறுவனம் தயாரிக்க உள்ளதாக உறுதி செய்யப்பட்டுள்ளது. இந்தத் திரைப்படத்தில் கதாநாயகியாக திரிஷா நடிக்க உள்ளார், ஏ.ஆர்.ரகுமான்  இசையமைக்கயுள்ளார் . இந்தியன் 2 திரைப்படத்தின் படப்பிடிப்பு முடிந்தவுடன் இத்திரைப்படத்தில் நடிக்க உள்ளதாக கமலஹாசன் தெரிவித்துள்ளார்.

மேலும் முன்னணி நடிகர்களான ஜெயம் ரவி, மலையாள சினிமாவின் துல்கர் சல்மான் போன்ற நடிகர்கள் இணைந்து நடிக்க உள்ளனர். நாயகன் திரைப்படத்தை அடுத்ததாக 35 வருடங்களுக்குப் பிறகு டைரக்டர் மணிரத்தினமும், உலகநாயகன் கமலஹாசனும் இந்த திரைப்படத்தில் இணைகிறார்கள். கமலஹாசனின் 234 ஆவது படம் மல்டி ஸ்டார் படமாக உருவாக உள்ளதாக தகவல்கள் வெளியாகி உள்ளன.எனவே கமலஹாசனின் விக்ரம் படத்திற்கு அடுத்ததாக ஹிட் படமாக இந்தத் திரைப்படம் அமையும் என ரசிகர்களால் எதிர்பார்க்கப்படுகிறது..