கடந்த வருடம் சர்தார் திரைப்படம் தீபாவளிக்கு வெளிவந்து சூப்பர் ஹிட் கொடுத்து 100 கோடி வசூல் செய்து சாதனை படைத்தது. இந்தத் திரைப்படத்தில் நடிகர் கார்த்தி போலீஸ் அதிகாரியாகவும், இந்திய உளவாளியாகவும் தனது நடிப்புத் திறனை வெளிப்படுத்தி உள்ளார் . இது பெரும் வெற்றியாக அமைந்தது . தொடர்ந்து சர்தார் திரைப்படத்தின் இரண்டாம் பாகம் தயாராகும் எனப் படக் குழு அறிவித்திருந்தது.
இந்த நிலையில் இயக்குனர் நலன் குமாரசாமி போன்றவர்களின் படத்தில் கார்த்தி நடித்து வருகிறார். இந்தத் திரைப்படத்தின் பணிகள் முடிந்தவுடன் சர்தார் இரண்டாம் பாகத்தின் படப்பிடிப்பு அடுத்த வருடம் ஏப்ரல் மாதம் தொடங்கப்படும் என சர்தார் திரைப்படத்தின் இயக்குனர் பி எஸ் மித்ரன் தெரிவித்துள்ளார். சர்தார் முதல் பாகத்தின் பிரின்ஸ் பிக்சர் நிறுவனமே சர்தார் இரண்டாம் பாகத்தைத் தயாரிக்கிறது.
![](https://mudhalummudivum.com/wp-content/uploads/2022/10/16159144186867694551.png)