தூய்மை பணியாளர்களுக்கு ஊக்கத்தொகை வழங்கினார் தமிழக முதலமைச்சர்!

மிக்ஜாம் புயல் பாதிக்கப்பட்ட பகுதிகளில் சிறந்த முறையில் பணியாற்றிய தூய்மை பணியாளர்களுக்கு ஊக்கத்தொகையைத் தமிழக முதலமைச்சர் ஸ்டாலின் வழங்கினார். இந்த நிகழ்ச்சி சென்னையிலுள்ள ரிப்பன் மாளிகையில் நடைபெற்றது. சென்னை மாநகராட்சி உள்பட பல்வேறு துறையினரும் மீட்பு பணியில் ஈடுபட்டிருந்தனர் .இந்தப் பேரிடர் மீட்பு பணியில் ஈடுபட்டிருந்த தூய்மை பணியாளர்களுக்கு 3,429 ஒவ்வொருவருக்கும் 4,000 ரூபாய் ஊக்கத்தொகை வழங்கப்பட்டன.

மேலும் அவர்களுக்கு நினைவு பரிசாக சான்றிதழ்களும் வழங்கப்பட்டு பாராட்டி கௌரவப்படுத்தப்பட்டனர். இதை தொடர்ந்து தமிழக முதலமைச்சருடன் தூய்மை பணியாளர்கள் குழுவாக நின்று புகைப்படங்களும் ,எடுத்துக் கொண்டனர்.