தமிழ்நாட்டில் சரஸ்வதி பூஜை,ஆயுத பூஜையை முன்னிட்டு கூடுதலாக 500 சிறப்பு பேருந்துகள் இயக்கப்படும்

தமிழ்நாட்டில் சரஸ்வதி பூஜை ஆயுத பூஜையை முன்னிட்டு கூடுதலாக 500 சிறப்பு பேருந்துகள் இயக்கப்படும் எனத் தமிழ்நாடு போக்குவரத்துக் கழகம் தெரிவித்துள்ளது. தமிழ்நாட்டில் வருகிற அக்டோபர் 23 ,24 நாட்களில் சரஸ்வதி பூஜை, ஆயுத பூஜையை முன்னிட்டு விடுமுறை வருவதால் சொந்த ஊருக்கு செல்ல பொதுமக்கள் பயணிப்பதற்காக கூடுதலான பேருந்துகள் இயக்கப்படுகின்றன.

சென்னையில் இருந்து கும்பகோணம், திருவாரூர், நாகப்பட்டினம், வேதாரண்யம், வேளாங்கண்ணி, மயிலாடுதுறை, திருத்துறைப்பூண்டி மற்றும் காரைக்குடி, ராமநாதபுரம் போன்ற பகுதிகளுக்கு 300 பேருந்துகள் இயக்கப்படும் என்றும்,சொந்த ஊருக்கு பொதுமக்கள் செல்ல வசதியாக பேருந்துகள் இயக்கப்படுகின்றன. திருப்பூர், மதுரை, கோயம்புத்தூர் போன்ற பகுதிகளுக்கும், புதுக்கோட்டை, காரைக்குடி, வேளாங்கண்ணி மற்றும் தஞ்சாவூர், நாகப்பட்டினம் போன்ற பகுதிகளுக்கும் 200 பேருந்துகள் கூடுதலாக இயக்கப்படும் என்று தமிழகப் போக்குவரத்து கழகம் தெரிவித்துள்ளது. மேலும் பயணிகள் www.tnstc.in என்ற இணையதளத்தில் முன்பதிவு செய்து கொள்ளலாம் தெரிவிக்கப்பட்டுள்ளது.