தமிழக முழுவதும் 2 கோடி உறுப்பினர்களைச் சேர்க்க இலக்கு -நடிகர் விஜய்

நடிகர் விஜய் கடந்த பிப்ரவரி இரண்டாம் தேதி தமிழக வெற்றிக் கழகம் எனத் தனது அரசியல் கட்சியின் பெயரை அறிவித்திருந்தார் .இதை தொடர்ந்து பல அரசியல் நடவடிக்கைகளும் எடுக்கப்பட்டு வருகின்றன. இந்த நிலையில் இன்று 2 கோடி உறுப்பினர்களைச் சேர்க்க இலக்கு என்று நடிகர் விஜய் அறிவிப்பினை வெளியிட்டுள்ளார். எனவே தொகுதிவாரியாக உறுப்பினர்கள் சேர்க்க தமிழக வெற்றிக் கழகத்தின் நிர்வாகிகளுக்கு நடிகர் விஜய் உத்தரவளித்துள்ளார்.

முதல் கட்டமாக மகளிர் தலைமையிலான உறுப்பினர் சேர்க்கை அணி நிர்வாகிகள் அறிவிக்கப்பட்டுள்ளனர். இதைத்தொடர்ந்து சமூகவலைத்தளங்களில் தனது அரசியல் பற்றிய அதிகாரப்பூர்வமான அறிவிப்புகள் வெளியிடப்படும் தமிழக வெற்றிக் கழகம் கட்சி தலைமை அறிவித்துள்ளது.