டெல்லியில் குடிநீரை வீணாக்கினால் 2000 ரூபாய் அபராதம்!

டெல்லியில் குடிநீரை வீணாக்கினால் ரூபாய் 2000 அபராதம் விதிக்கப்பட்டுள்ளது. ஹரியானா மாநிலத்தில் உள்ள யமுனை ஆற்றிலிருந்து டெல்லியில் வாழும் பொது மக்களுக்கு குடிநீர் விநியோகம் செய்யப்படுகிறது. தற்போது யமுனை ஆற்றில் நீர்மட்டம் குறைந்துள்ளது. இதன் காரணமாக டெல்லியில் சில நாட்களாக கடுமையான தண்ணீர் தட்டுப்பாடு ஏற்பட்டுள்ளது . டெல்லியில் ஒரு நாளைக்கு ஒருமுறை மட்டுமே தண்ணீர் விநியோகம் செய்யப்படுகிறது . 

இந் நிலையிலும் பொதுமக்கள் குடிநீரினைக் கார் கழுவுவதற்கு, போன்ற செயல்களுக்கு வீணாக பயன்படுத்துகின்றனர். இதன் காரணமாக பொதுமக்கள் குடிநீரைச் சிக்கனமாக பயன்படுத்த வேண்டும் என்றும் டெல்லியின் பொதுப்பணித்துறை அமைச்சர் அதிஷி வேண்டுகோள் விடுத்துள்ளார். மேலும் குடிநீரை வீணாக்கினால் 2000 அபராதம் என்றும் எச்சரிக்கை விடுத்துள்ளார். இந்த நடைமுறை டெல்லியில் (மே 30) இன்று முதல் அமலுக்கு வந்துள்ளது.