சேலத்தில் நடைபெற்ற FEMI 9 நிகழ்ச்சியில் நடிகை நயன்தாரா உரை!

சில மாதங்களுக்கு முன்பாக நடிகை நயன்தாரா FEMI 9 சானிட்டரி நாப்கின் என்ற பெயரில் ஒரு தொழிலை அறிமுகம் செய்தார். இந்தத் தொழில் நாடு முழுவதும் விநோயகம் செய்யப்பட்டு வளர்ச்சி அடைந்துள்ளது. இந் நிலையில் இன்று சேலத்தில் FEMI 9 நிகழ்ச்சி நடைபெற்றது .இதில் நடிகை நயன்தாரா மாதவிடாய் குறித்த விழிப்புணர்வு நம் நாட்டுப் பெண்களுக்கு முழுமையாக சென்றடைய வேண்டும் என்றும், பெண்களின் ஆரோக்கியம் தான் சமூகத்திற்கு வளர்ச்சி என்றும் உரையாற்றினார் .

இந்தத் தொழில் பெண்கள் ஆண்களை எதிர்பார்க்காமல் தனது தேவைகளை நிறைவேற்ற சுயமாக சம்பாதிக்க தன்னம்பிக்கையாக இருக்கும் என்றார்.தொடர்ந்து FEMI 9 நிறுவனத்தின் மூலம் சானிட்டரி நாப்கின்கள் ஒரு கோடி விற்பனையாகியுள்ளதாக தெரிவித்தார். இத்தொழில் இந்த வகையில் முன்னேற்றம் அடைவதற்கு காரணம் மக்கள் நீங்கள் தான் என்றும் தெரிவித்தார். FEMI 9 தொழில் நிறுவனத்தை இன்டர்நேஷனலாக முன்னேற்ற அனைவரும் இணைந்து உழைப்போம் என்றும் நடிகை நயன்தாரா தெரிவித்தார்.