சென்னை தலைமை செயலகத்தில் மத்திய குழுவுடன் தமிழக முதலமைச்சர் ஆலோசனை!

மிக்ஜாம் புயல் காரணமாக பாதிப்படைந்த பகுதிகளை மத்திய குழு வருகை தந்து இரண்டு நாட்களாக ஆய்வு செய்து வருகிறது. இந்நிலையில் மிக்ஜாம் புயலின் பேரிடர் மீட்பு பணியைக் குறித்து தமிழக அரசுக்கு மத்திய குழு பாராட்டுத் தெரிவித்தது. இதைத் தொடர்ந்து சென்னை தலைமை செயலகத்தில் மத்திய குழுவுடன் தமிழக முதலமைச்சர் ஸ்டாலின் அவர்கள் ஆலோசனை நடத்தினார் .இந்தக் கூட்டத்தின் போது சென்னை ,திருவள்ளூர், காஞ்சிபுரம், மற்றும் செங்கல்பட்டு போன்ற மாவட்டங்களில் புயல் மற்றும் வெள்ள பாதிப்புக்களால் பேரிழப்பு ஏற்பட்டுள்ளதாக தெரிவித்தார்.வெள்ள பாதிப்புக்குள்ளான இடங்களில் மக்களின் நலன் மேம்பாட்டுக்காக நிரந்தரமான ரூபாய் 12, 6 59 கோடி நிவாரணம் தொகை தேவை எனக் கோரிக்கை வைத்தார். தொடர்ந்து தற்காலிக நிவாரணமாக ரூபாய் 7033 கோடி வழங்குமாறு முதலமைச்சர் மத்திய குழுவிடம் வலியுறுத்தினார்.

தமிழக அரசு கோரிய புயல் நிவாரண தொகையை ஒன்றிய அரசு பெற்று தருமாறு மத்திய குழுவிடம் தெரிவித்தார் .மேலும் மத்திய குழு தமிழக மக்களின் வாழ்வாதாரத்தை மீட்க ஒன்றிய அரசின் உதவி தேவை என்றும் தெரிவித்தார்.