சென்னை அணியின் 7ஆவது வெற்றி ! டெல்லி அணியின் 7ஆவது தோல்வி!

ஐ.பி.எல் தொடரின் 55ஆவது லீக் போட்டியில்  டெல்லி கேப்பிட்டல்ஸ் அணிக்கு எதிராக 27 ரன்கள் வித்தியாசத்தில் சென்னை அணி அபார வெற்றி. சேப்பாக்கம் மைதானத்தில் நடந்த இப் போட்டியில் டாஸ் வென்ற சென்னை அணி, பேட்டிங்கைத் தேர்ந்தெடுத்தது. ருத்துவும் கான்வேயும் சென்னையின் ஆட்டத்தை துவங்க, கான்வே 10 ரன்களும், ருதுராஜ் 27 ரன்களும் எடுத்து விக்கெட்டுகளை இழந்தனர்..அடுத்து களமிறங்கிய ஷிவம் தூபே 3 சிக்சர்களைப் பறக்க விட்டு 25 ரன்கள் எடுத்தார்.அம்பத்தி ராயுடு 23 ரன்களில் ஆட்டமிழந்ததை அடுத்து தோனி 2 சிக்சர்,ஒரு பவுண்டரி என 20 ரன்களைச் சேர்த்து ஆட்டத்தை இழந்தார். இறுதியில் சென்னை அணி 20 ஓவர் முடிவில் 8 விக்கெட்டுகளை இழந்து 167 ரன்களை எடுத்தது.

168 ரன்கள்என்ற இலக்கை நோக்கி ஆடிய, டெல்லி கேப்பிட்டல்ஸ் அணி 20 ஓவர்களில் 8 விக்கெட்டுகளை இழந்து 140 ரன்கள் மட்டுமே எடுத்து தோல்வி அடைந்தது. முதலில் ஆடிய சென்னை அணி 20 ஓவர்கள் முடிவில் 8 விக்கெட்டுகள் இழப்புக்கு 167 ரன்கள் சேர்த்தது. சென்னை அணி 27 ரன்கள் வித்தியாசத்தில் நடப்பு சீசனில் பெற்ற 7 ஆவது அபார வெற்றி இதுவாகும்.