ஐ.பி.எல் தொடரில் 56 ரன்கள் வித்தியாசத்தில் லக்னோ அபார வெற்றி!

ஐ.பி.எல் 2023 தொடரின் 38-ஆவது போட்டியில் லக்னோவும் பஞ்சாப் அணியும் மோதின. மொஹாலியில் நடைபெற்ற போட்டியில் டாஸ் வென்ற பஞ்சாப் அணி பந்துவீச்சைத் தேர்வு செய்தது. அதனையடுத்து, முதலில் களமிறங்கிய லக்னோ அணியின் தொடக்க வீரர்களாக கே.எல்.ராகுலும், மேயர்ஸ்ஸும் களமிறங்கினர். மேயர்ஸ், பதோனி ஜோடி அதிரடியாக ஆடி, மேயர்ஸ் 54 ரன்களும், பதோனி  43 ரன்களும் குவித்தனர்.லக்னோ அணி 20 ஓவர் முடிவில் 5 விக்கெட்டுகள் இழப்புக்கு 257 ரன்கள் குவித்தனர்.

அடுத்து களமிறங்கிய பஞ்சாப் அணியின் தொடக்க வீரர்களாக பிரப்சிம்ரன் சிங்கும், ஷிகர் தவனும் களமிறங்கினர். தவன் 1 ரன்னிலும், பிரப்சிம்ரன் 9 ரன்னிலும் ஆட்டமிழந்தனர். அடுத்து களமிறங்கிய அதர்வா டைய்டி அதிரடியாக ஆடி 66 ரன்கள் எடுத்தார். அவரைத் தொடர்ந்து ஷிகந்தர்  36 ரன்கள் எடுத்தார். 20 ஓவர் முடிவில் 10 விக்கெட் இழப்புக்கு பஞ்சாப் அணி 201 ரன்கள் மட்டுமே எடுத்து தோல்வியடைந்தது. ஆட்டமுடிவில் லக்னோஅணி 56 ரன்கள் வித்தியாசத்தில் அபார வெற்றி பெற்றது.