முதல்வரின் நிவாரண நிதிக்கு…….. நிதிசெலுத்த வந்த முதியவர்

தமிழ்நாடு முதல்வரின் நிவாரண நிதிக்கு யாசகமாக பெற்று 55 லட்சம் கொடுத்த முதியவர்!
யாசகம் பெற்ற பணத்தை முதல்வரின் நிவாரண நிதிக்கு செலுத்த வந்த முதியவர் பூல்பாண்டியன். (வயது 75). இவர் தூத்துக்குடி மாவட்டம் சாத்தான்குளம் அருகே உள்ள ஆலங்கிணறு கிராமத்தைச் சேர்ந்தவர். இவருக்கு மூன்று பிள்ளைகள் உள்ளனர். மும்பை உள்ளிட்ட பல்வேறு முக்கிய நகரங்களில் வாழ்ந்து வந்தவர். சில இடங்களில் இஸ்திரி செய்யும் வேலை செய்து வந்துள்ளார். மேலும் யாசகம் பெற்று அதன் மூலம் கிடைத்த பணத்தை பல்வேறு நல திட்டங்களுக்கு கொடுத்து வந்துள்ளார். அவர் யாசகம் செய்த பணத்தை நன்கொடையாக வழங்குவதற்கு எதிர்ப்பு தெரிவித்தனர், அவருடைய குடும்பத்தினர். “அந்தப் பணத்தை எங்களிடம் வழங்க வேண்டும்”என்றனர். இதனால் வெளியேறிய பூல் பாண்டியன் தொடர்ந்து பல்வேறு நகரங்களில் பல தொழிலதிபர்களிடம் நன்கொடையாகவும் பணத்தைப் பெற்றுள்ளார்.