பங்குனி உத்திர திருவிழா

முருகப் பெருமானின் அறுபடை வீடுகளில் 2-ஆம் படை வீடான திருச்செந்தூர் சுப்பிரமணிய சுவாமி கோவிலில் பங்குனி உத்திர திருவிழா நாளை புதன்கிழமை நடக்கிறது. 5.4.2023 அன்று அதிகாலை 4 மணிக்கு கோவில் நடை திறக்கப்பட்டு, இரவு 10 மணிக்கு கோவிலில் 108 மகாதேவர் சன்னதி முன்பு சுவாமிக்கு திருக்கல்யாணம் நடக்கவிருக்கிறது.பங்குனி உத்திர திருவிழா நாளை சுவாமிக்கு சிறப்பு அபிஷேகம், அலங்காரம் மற்றும் தீபாராதனை நடைபெறுகிறது. பங்குனி உத்திர விரதத்தை 8 வயதில் இருந்து 80 வயது வரை உள்ளவர்கள் கடைபிடிக்கலாம். பங்குனி உத்திரத்தன்று விரதத்தைத் தொடர்ச்சியாக 48 ஆண்டுகள் கடைப்பிடித்து வந்தால், அடுத்த பிறவியில் தெய்வீகப் பிறவி கிடைக்கும் என்று புராணங்கள் சொல்கின்றன. பக்தர்களுக்குத் தேவையான குடிநீர், மின்சாரம் மற்றும் பந்தல் வசதிகளும் கோவில் நிர்வாகம் சார்பில் ஏற்பாடு செய்யப்பட்டு உள்ளது.