உலகப் புகழ்பெற்ற திருவாரூர் ஆழித் தேரோட்டம்

ஒவ்வோர் ஆண்டும் பங்குனி உத்திர திருவிழாவின் முக்கிய நிகழ்வாக ஆழித்தேரோட்டம் நடைபெறுவது வழக்கம். 01.04.2023 இன்று திருவாரூர் தேர்த் திருவிழா கோலகலமாக நடைபெற்றது.ஆழித்தேர், கடல் போன்ற பெரிய தேர்தான் ஆரூரின் தேர். உலகத்திலேயே பெரிய தேர் என்றால் அது இந்தத் திருவாரூர்த் தேர்தான். இந்தத் தேர்த் திருவிழா வெகு விமர்சையாக நடைபெறும். அனைத்து ஊர்களிலிருந்தும் மக்கள் வந்து இந்தத் தேர் இழுத்துக் கொண்டாடுவர். ‘தேர் முனை திரும்பும் அழகைக் காணக் கண் கோடி போதாது’ என்பது திருவாரூர் மக்கள் வாக்கு. அத்தனை பேரழகாய் இருக்கும் இந்தத் தேர் திரும்பும் அழகு. இந்த ஆழித்தேர் இழுக்க இழுக்க, ‘ஆரூரா ‘ என்ற கோஷமும் வானை எட்டும் அளவுக் கேட்கும். அந்த உற்சாகத்தில் திளைத்தே மக்கள் தேர் இழுத்து மகிழ்வர்.