- April 10, 2023
ஆன்லைன் ரம்மி தடை ஆளுநர் ஆர்.என்.ரவி ஒப்புதல் !
ஆன்லைன் ரம்மி தடை ஆளுநர் ஆர் என் ரவி ஒப்புதல்.தமிழகச் சட்டப்பேரவையில் மீண்டும் நிறைவேற்றப்பட்ட ஆன்லைன் சூதாட்ட தடை மசோதாவுக்கு ஆளுநர் ஆர். என். ரவி ஒப்புதல்…
ஆன்லைன் ரம்மி தடை ஆளுநர் ஆர் என் ரவி ஒப்புதல்.தமிழகச் சட்டப்பேரவையில் மீண்டும் நிறைவேற்றப்பட்ட ஆன்லைன் சூதாட்ட தடை மசோதாவுக்கு ஆளுநர் ஆர். என். ரவி ஒப்புதல் அளித்துள்ளார்..ஆன்லைன் ரம்மி ஆட்டத்தால் பணத்தை இழந்து தற்கொலை செய்து கொள்ளும் நிகழ்வு நாளுக்கு நாள் அதிகரித்து வருகிறது. இதனை கருத்தில் கொண்டு ஆன்லைன் சூதாட்டத்திற்கு தடை விதிக்கும் மசோதா நிறைவேற்ற வேண்டும் என அரசியல் கட்சிகள் வலியுறுத்தி இருந்தன. தமிழ்நாட்டில் ஆன்லைன் சூதாட்டம் விளையாடி,இதுவரை 45-க்கும் மேற்பட்டோர் தற்கொலை செய்துகொண்டனர்.
தமிழ்நாடு சட்டப்பேரவையில் ஆன்லைன் சூதாட்ட தடை மசோதா நிறைவேற்றப்பட்டு கடந்து 2022 ஆம் ஆண்டு அக்டோபர் 19ஆம் தேதி ஆளுநர்களுக்கு சட்ட மசோதா அனுப்பி வைக்கப்பட்டது. ஆனால் ஆளுநர் சட்ட மசோதாவை திருப்பி அனுப்பினார்..மீண்டும் ஆன்லைன் சூதாட்ட விளையாட்டு தடை மசோதாவை சட்டப்பேரவையில் முதல்வர் மு க ஸ்டாலின் அவர்கள் மார்ச் மாதம் 23ஆம் தேதி மசோதாவை தாக்கல் செய்தார். மார்ச் 24ஆம் தேதி ஆளுநர் மாளிகைக்கு அனுப்பி வைக்கப்பட்டது..இந்நிலையில் தமிழக சட்டப்பேரவையில் மீண்டும் நிறைவேற்றப்பட்ட ஆன்லைன் சூதாட்ட மசோதாவுக்கு ஆளுநர் ஆர்.என் ரவி ஒப்புதல் அளித்துள்ளார் இந்த சட்டம் விரைவில் அமலுக்கு வரும் என்று எதிர்பார்க்கப்படுகிறது .ஆன்லைனில் ரம்மி விளையாடினால் 3 மாதங்கள் சிறை தண்டனை விதிக்கப்படும் எனத் தெரிவிக்கப்பட்டுள்ளது.
