- April 3, 2023
காஞ்சிபுரம் ஏகாம்பரநாதர் கோவிலில் அறுபத்திமூவர் நாயன்மார்கள் திருவிழா
காஞ்சிபுரம் ஏகாம்பர நாதர் கோவிலில் 63 நாயன்மார்கள் திருவிழா கோலகலமாக நடைபெற்றது. 63 நாயன்மார்களின் வரலாற்றைத் தெரிந்துக் கொள்ள சேக்கிழார் இயற்றிய பெரியபுராணமே சாட்சி. பஞ்சபூத தலங்களில்…
காஞ்சிபுரம் ஏகாம்பர நாதர் கோவிலில் 63 நாயன்மார்கள் திருவிழா கோலகலமாக நடைபெற்றது. 63 நாயன்மார்களின் வரலாற்றைத் தெரிந்துக் கொள்ள சேக்கிழார் இயற்றிய பெரியபுராணமே சாட்சி.
பஞ்சபூத தலங்களில் மண் தலமாக விளங்கக்கூடியது உலகப் புகழ்பெற்ற ஏகாம்பரநாதர் கோவிலில் . இக்கோவிலில் ஆண்டுதோறும் பங்குனி உத்திர நாளில் திருக்கல்யாண விழா நடைபெறுவது மிகப் பிரசித்தம். கடந்த 26-ஆம் தேதி கொடியேற்றத்துடன் வெகு விமரிசையாகத் தொடங்கியது.ஏகாம்பரநாதர் காலை, இரவு என இரு வேளைகளில் பவழக்கல் சப்பரம், சிம்ம வாகனம், சூரியபிரபை, சந்திரபிரபை, பூதவாகனம், தங்க மயில் வாகனம், நாக வாகனம், வெள்ளி இடப வாகனம், வெள்ளி அதிகார நந்தி சேவை, கைலாசபீட ராவண வாகனம் போன்ற வாகனங்களில் சாமி எழுந்தருளி வீதி உலா வந்து பக்தர்களுக்கு அருள் புரிந்தார்.
நேற்று காலை 63 நாயன்மார்களின் திருவிழாவையொட்டி சுவாமிக்கும், அம்பாளுக்கும் சிறப்பு அபிஷேக ஆராதனைகள் நடந்தன. சுவாமியும், அம்பாளும் முன்னே செல்ல 63 நாயன்மார்கள் ஒன்றன் பின் ஒன்றாக வந்து மேளதாளங்கள் இசைக்க, வாத்தியங்கள் முழங்கிட நான்கு ராஜ வீதிகளில் வலம் வந்து பக்தர்களுக்கு காட்சிக் கொடுத்தார். ஏராளமான பக்தர்கள் பக்தியுடன் இறைவனைத் தரிசனம் செய்து வழிபட்டனர்.
