- April 7, 2023
ஆவின் பொருட்கள் ஆன்லைனில் விற்பனை
ஆவின் பால் மற்றும் பால் பொருட்கள் இணையவழி விற்பனை என பால்வளத்துறை அமைச்சர் நாசர் அறிவித்துள்ளார். தமிழ்நாடு சட்டப்பேரவையில் கூட்டத் தொடர் நேற்று (ஏப்ரல் 5) நடைபெற்றது.…
ஆவின் பால் மற்றும் பால் பொருட்கள் இணையவழி விற்பனை என பால்வளத்துறை அமைச்சர் நாசர் அறிவித்துள்ளார். தமிழ்நாடு சட்டப்பேரவையில் கூட்டத் தொடர் நேற்று (ஏப்ரல் 5) நடைபெற்றது. இதில் பால்வளத்துறை அமைச்சர் ஆவடி நாசர் புதிய அறிவிப்புகளை வெளியிட்டார். பால் உற்பத்தியாளர் கூட்டுறவு சங்கப் பணியாளர்களின் நலன் காக்க”கலைஞர் சங்கப் பணியாளர்கள் நலநிதி” உருவாக்கப்படும் என்றார். மேலும் பால் உற்பத்தியாளர்களுக்கு வங்கி கடன் மூலம் புதிய கறவை மாடுகள் வாங்கவும், அதன் மூலம் ஆவின் பால் பெருக்கு திட்டம் செயல்படும் என்றார். ஆவின் பொருட்கள் ஆன்லைன் விற்பனை முதற்கட்டமாக சென்னை மற்றும் சில நகரங்களில் செயல்படுத்தப்படும். ஆவின் பொருட்கள் வீடுகளுக்குகே வந்து டெலிவரி செய்யப்படும். இதற்காக தனி செயலி, இணையதளம் உருவாக்கப்படும் என்றார்.
பால் பாக்கெட்கள் தயாரிக்க ரூபாய் 30 கோடியில் ஆவின் பண்ணைகளில் தானியங்கி இயந்திரங்கள் அமைக்கப்படும் ஆவினில் பால் வாங்குபவர்களுக்கு இ-பால் அட்டை.(இமில்க் கார்டு)வழங்கப்படும். இதன்படி மாதந்திர பால் அட்டை இணையதளம் மூலம் வழங்கப்படும். பால் உற்பத்தியை மேம்படுத்த தமிழ்நாடு பால் உற்பத்தி மேலாண்மை கொள்கை உருவாக்கப்படும் ஆவின் சாக்லேட்டுகளின் தேவை அதிகமாக இருப்பதால், அம்பத்தூர் பால்பண்ணையில் சாக்லேட் தயாரிப்பு பிரிவு தொடங்கப்படும்” என்று கூறினார்.என இத்திட்டங்களை அறிவித்தார் பால்வளத்துறை அமைச்சர் நாசர்.
