- March 28, 2023
ஆவடியில்110 அரங்குகளுடன் புத்தகத்திருவிழா!
110 அரங்குகளுடன்திருவள்ளூர் ஆவடியில் மார்ச் 17-ஆம் தேதி தொடங்கி 27-ம் தேதி வரை புத்தகக் கண்காட்சி நடைபெற்றது. தமிழக முதல்வர் பொறுப்பேற்ற உடன் புத்தகம் வாசிக்க வேண்டும்…
110 அரங்குகளுடன்
திருவள்ளூர் ஆவடியில் மார்ச் 17-ஆம் தேதி தொடங்கி 27-ம் தேதி வரை புத்தகக் கண்காட்சி நடைபெற்றது.
தமிழக முதல்வர் பொறுப்பேற்ற உடன் புத்தகம் வாசிக்க வேண்டும் என்ற உணர்வோடு வாசிப்பை நேசிப்போம் என்ற உன்னத நோக்கத்தோடு கடந்த கால கட்டங்களில் நடந்த வரலாறுகளை பொதுமக்கள், இளைஞர்கள் அனைவரும் அறிந்துகொள்ள வேண்டும் என்ற நோக்கத்தில் தமிழகம் முழுவதும் புத்தகக் காட்சி நடத்த வேண்டும் என உத்தரவிட்டார்.
அதன் பேரில், கடந்த ஆண்டு திருவள்ளூர் மாவட்டத்தில் 10நாள் புத்தகக் காட்சி நடைபெற்றது. இந்நிலையில், இந்தஆண்டுக்கான புத்தகக் காட்சி ஆவடி மாநகராட்சியில் உளள எச்விஎஃப் தொழிற்சாலை மைதானத்தில் மார்ச்17-ம் தேதி முதல் 27-ம் தேதி வரை 10 நாட்கள் வெகு சிறப்பாக நடைபெற்றது.
இக்காட்சியில் 110-க்கும் மேற்பட்ட அரங்குகளில் சுமார் 10ஆயிரத்துக்கும் மேற்பட்ட தலைப்புகளில் லட்சக்கணக்கான புத்தகங்கள் இடம் பெற்றிருந்தது . புத்தகம் வாங்குபவர்களுக்கு 10 சதவீதம் தள்ளுபடி வழங்கப்பட்டது. காட்சி நடைபெறும் நாட்களில் தினமும் மாலை நேரத்தில் பட்டிமன்றம், கவியரங்கம் என பல்வேறு நிகழ்ச்சிகள் நடைபெறும்.
சிறப்பு பேச்சாளர்களாக கோபிநாத், எஸ்.ராஜா, பேராசிரியர் கு.ஞானசம்பந்தம், ஈரோடு மகேஷ், பேராசிரியர் பர்வீன் சுல்தானா, சுகி சிவம், மருத்துவர் கு.சிவராமன் உள்ளிட்ட பலர் பங்கேற்று ஒவ்வொரு தலைப்புகளின் கீழ் உரையாற்றினர்.
முன்னதாக, இப்புத்தகக் கண்காட்சி குறித்து பொதுமக்கள் மற்றும் இளைஞர்களிடையே விழிப்புணர்வு ஏற்படுத்தும் வகையில், புத்தகத் திருவிழா-2023 இலச்சினையை இலக்காகக் கொண்டது.ஆவடிபுத்தகப் பிரியர்களுக்கு இத்திருவிழா மிகவும் பயனுள்ளதாக இருந்தது.
